Pueblu atikamekw

Los atikamekw son los habitantes indíxenes del área al que se refieren como Nitaskinan (La nuesa tierra), nel valle cimeru del ríu Saint-Maurice de Quebec (a unos 300 quilómetros al norte de Montreal), Canadá. La so población actual ye d'alredor 7000 persones. Una de les principales comunidaes ye Manawan, a unos 160 quilómetros al noreste de Montreal. Tienen tradición agrícola lo mesmo que de pesca, caza y recoleición. Tienen estrechos llazos col pueblu innu, que fueron los sos aliaos históricos contra los inuit.

L'atikamekw, una variedá dientro de la familia álxica, sigue siendo d'usu cotidianu, polo que s'alcuentra ente les llingües indíxenes menos amenazaes d'estinción.^[1] La so tierra natal ta, en gran midida, en manes de les compañíes madereres y la so antigua manera de vida ta cuasique desapaecida. El so nome, que lliteralmente significa "pexes blancos", tamién s'escribe "Atihkamekw", "Attikamekw", "Attikamek" o "Atikamek". Los colonos franceses referíense a ellos como Têtes-de-Boules, que significa "cabeces de bola" o "cabeces redondes". Un pequeñu númberu de families inda se gana la vida faciendo cestos tradicionales de corteza d'abeduriu y canoes.

1. ↑ Conseil des Atikamekw d'Opitciwan. «Cultures et traditions» (francés). Archiváu dende l'orixinal, el 4 de marzu de 2016. Consultáu'l 10 d'agostu de 2017.